想改變食物口味令狗狗食得開心啲？想畀更優質嘅食物狗狗食？狗狗對食開嘅糧有不良反應？
無論你係因為獸醫嘅建議定個人喜好，喺轉換新糧嘅時候都有三件事值得留意︰
一、循序漸進，轉糧不宜速度過快
狗狗適應新食物需時，並非一朝一夕可以成功。當轉換過程過於急速，狗狗可能產生排斥，進而拒絕新食物。作為毛孩嘅爸媽，喺轉換新糧時應預大約一周至一個月嘅時間，小增量逐漸引入新糧直到完全替代舊糧。喺換糧嘅過程都可以留意返新食物對愛犬有無任何過敏或敏感性嘅反應！
二、保持原有餵養時間好重要！
對狗狗黎講越小嘅改變會令狗狗更容易接受轉糧。轉新糧已經係一個大轉變，為咗令愛犬感到安心同放心，喺轉糧嘅時候要維持原有嘅餵養時間表，減少狗狗需要適應嘅事物。
三、耐心觀察狗狗喺轉糧過程嘅狀態
轉糧對狗狗黎講都係一件突然嘅事，喺呢段適應時期，切記不要過度餵養新食物，避免導致各種消化問題，例如腹瀉、嘔吐或食慾不振。
毛孩嘅爸媽記得留意返愛犬本身嘅適應能力，例如關注愛犬體重同糞便嘅變化及愛犬食用後嘅反應，從而給予適當嘅換糧份量，好讓狗狗適應。
不論你喺想嘗試由乾糧轉為生肉糧，定想為乏味嘅乾糧增添風味，Stella & Chewy’s 嘅 Freeze-dried Meal Mixers 同Meal Mixer Superblends 都喺協助狗狗適應轉糧嘅好幫手！